लण्डन । दुर्लभ ल्याण्डरोभर जिप लिलाम बढाबढ प्राप्त रकम नेपालमा समुदायको सेवामा खर्चिइने भएको छ ।
बिलासी कार उत्पादक ल्याण्डरोभरले उत्पादन गरेको बीसौँ लाख श्रृंखलाको डिफेण्डर ल्याण्डरोभर गतसाता लण्डनमा च्यारिटीमा लिलाम बढाबढमा राखिएको थियो ।
ए वन अभ काइण्ड माेडलकाे साे जिप लिलाम बढाबढमा चार लाख पाउण्डमा बिक्री भएको छ ।
जसमध्ये आधा रकम रेडक्रसमार्फत नेपालमा खर्च गरिने बताइएको छ । बाँकी आधा रकम बोन फ्रि फाउण्डेसनलाई दिइने छ ।
ल्याण्ड रोभरले मानवीय तथा संरक्षण साझेदार इन्टरन्याशनल फेडरेसन अफ रेडक्रस एण्ड रेड क्रिसेन्ट सोसाइटिजलाई सो जिप उपलब्ध गराएको हो ।
रेडक्रसले सो रकम ब्रिटिश रेडक्रस र नेपाल रेडक्रसलाई आधाआधा दिने बताएको छ । सो रकम पूर्वी नेपालमा बाढी लगायत प्राकृतिक प्रकोपलाई सामना गर्ने कार्यमा खर्च गरिने रेडक्रसको भनाइ छ ।
तीन वर्षे कार्ययोजना बनाइ बाढीको पूर्व सूचना दिने साइरन राख्ने, जोखिममा कसरी बाँच्ने बारेमा जनचेतना लगाउने, प्राथमिक उपचार, उद्दार आदिका बारेमा तालिम दिइने रेडक्रसको योजना छ ।
