बेलायती फोटोग्राफरको तस्बिरमा नेपाली जीवन

काठमाडौँ, १८ मङ्सिर । बेलायती फोटोग्राफर डेभिड रिचर्डसनले विभिन्न समयमा खिंचेका तस्बिरको आज प्रदर्शन गरिएको छ ।

माया एजुकेसन फाउन्डेसनको आयोजनामा आज राजधानीको बौद्धमा १५ वर्षदेखि खिंचेका तस्बिर प्रदर्शन गरिएको हो । प्रदर्शनीमा भूकम्पले नेपालमा पुरयाएको क्षति, नेपाली वृद्धवृद्वा, बच्चा, गरिब, डाँडाकाँडा र हिमालका तस्बिर राखिएका छन् ।

सो प्रदर्शनीको नेपाली काँग्रेसका युवा नेता प्रदीप पौडेलले उद्घाटन गर्दै तस्बिरले नेपाली जनजीवन, वेशभूषा र शैलीलाई अन्तर्राष्ट्रियस्तरमा पुरयाउन ठूलो सहयोग पुग्ने बताए । फोटोग्राफर रिचर्डले नेपालपछि बेलायत, स्विजट्रल्यान्ड लगायतक देशमा तस्बिर प्रदर्शन गरिने जानकारी दिए ।