सोमबार, असोज १२ २०७७ | Mon, September 28, 2020
नेपालको समय: ११:३२ | UK Time: 06:47

अखिल (क्रान्तिकारी) ले देशव्यापी एक महिने विद्यार्थी अभियान सञ्चालन गर्ने

वीनेपाली
२०७२ मंसिर १६ गते ११:१४

काठमाडौँ, १६ मङ्सिर । एकीकृत नेकपा (माओवादी) निकट विद्यार्थी सङ्गठन अखिल (क्रान्तिकारी) केन्द्रीय समितिको प्रथम विस्तारित बैठकले राष्ट्रिय स्वाधीनता, आन्तरिक राष्ट्रिय एकता, शैक्षिक अधिकार, जनजीविका र सामाजिक सद्भावका लागि देशव्यापी एक महिने विद्यार्थी अभियान सञ्चालन गर्ने निर्णय गरेको छ ।

सङ्गठनले आज प्रेस विज्ञप्तिमार्फत् यही मङ्सिर १३ गते सम्पन्न भएको बैठकको निर्णय सार्वजनिक गर्दै अभियानकै एक अङ्गका रुपमा मधेस जागरण अभियान गर्ने जनाएको हो ।

यसैगरी क्रान्तिकारी विद्यार्थी सङ्गठनबीच एकता र ध्रुवीकरणको लागि वार्ता र संवादको प्रक्रियालाई अगाडि बढाइने, स्ववियु. निर्वाचन सम्पन्न गर्न त्रिविलगायत सबै विश्वविद्यालय र शैक्षिक प्रतिष्ठानलाई दबाब सिर्जना गर्नेलगायतका निर्णय गरेको छ ।

सङ्गठनका अध्यक्ष रमेश मल्लले नयाँशक्तिको नाममा बिचलित र बहिगर्मित २६ सदस्यलाई सङ्गठनको साधारण सदस्यसमेत नरहने गरी पदमुक्त गरिएको जानकारी दिए ।

यसैगरी सङ्गठनका राज्य समितिका संरचनालाई विघटन गरी प्रादेशिक समितिमा लैजाने, विश्वविद्यालयका संरचनालाई विभागीय संरचनामा पुर्नगठन गरिनेलगायतका निर्णय भएको जनाएको छ ।

प्रतिक्रिया

सम्बन्धित सामाग्री

फेसबुक