शुक्रबार, असोज २ २०७७ | Fri, September 18, 2020
नेपालको समय: १२:२५ | UK Time: 07:40

गोर्खाली समाजद्वारा भूकम्प पीडित वालवालिकाका लागि १५ लाखको अक्षय कोष

वीनेपाली
२०७२ मंसिर १३ गते २२:१३

12309510_10156255197515582_8085965513355291709_o

लन्डन । गोर्खाली समाज यूकेले भूकम्प पीडित वालवालिकाका लागि १५ लाख रुपैयांको अक्षय कोष स्थापना गर्ने निर्णय गरेको छ । समाजका अध्यक्ष भरत रोकाको अध्यक्षतामा शनिबार ब्लु अर्किड रेष्टुरेन्टमा सम्पन्न बैठकले उक्त निर्णय गरेको हो । भूकम्पका कारण गोरखा जिल्लामा ४ सय ४९ जनाको मृत्यु भएकामा दिवगंतका वालवालिकालाई पढाउन अक्षय कोष खडा गर्ने निर्णय भएको अध्यक्ष रोकाले जनाए । अक्षय कोष वार्षिक रुपले बढाउंदै लैजाने निर्णय भएको छ । अक्षय कोष स्थापना गर्न समाजका उपाध्यक्ष जय प्रकाश गुरुङको संयोजकत्वमा एउटा समिति बनाउने निर्णय गरिएको छ ।

समाजले च्यारिटी डिनर र चन्दामार्फत संकलन गरेको रकमले अक्षय कोष स्थापना गरेको हो । भूकम्प लगत्तै समाजले १७ जना युवा सम्मिलित एक टोली गोरखाका अति प्रभावित क्षेत्रमा खटाएको थियो । उक्त टोलीले गाउंमा ७ लाख रुपैयां बराबरको राहत सामाग्री तथा औषधि वितरण गरेको थियो ।

समाजको बैठकमा पूर्व सांसद वीरेन्द्र पोखरेललाई समाजका सल्लाहकार रणध्वज राणाले खादा लगाइ सम्मान गरेका थिए । त्यसैगरि, समाजका अध्यक्ष रोकाले सल्लाहकार फडकजित गुरुङ गोर्खा जिल्ला गुरुङ समाज यूके अध्यक्ष, समाजकी सदस्य कुमारी गुरुङ एनआरएनए यूकेको महिला उपाध्यक्ष र समाजका उपाध्यक्ष जयप्रकाश गुरुङ एनआरएनए आइसीसीको सदस्यमा मनोनित भएकामा खादा ओढाइ सम्मान गरे ।

बैठकमा समाजका सल्लाहकार फडकजित गुरुङ, रणध्वज राणा, राजकुमार गुरुङ, धन गुरुङ, विष्णु तामाङ, कृष्ण दर्लामी, भूपू सासंद वीरेन्द्र पोखरेल र समाजका सदस्यहरुको उपस्थिति थियो । बैठकमा ब्लु अर्किड रेष्टुरेन्टका सञ्चालक बल रायमाझीले खाना प्रवन्ध गरेका थिए ।

प्रतिक्रिया

सम्बन्धित सामाग्री

फेसबुक