बिहीबार, असोज १५ २०७७ | Thu, October 01, 2020
नेपालको समय: १७:३३ | UK Time: 12:48

बेलायतका नेपाली तन्नेरी साहित्य र सिनेमातिर

वीनेपाली
२०७२ मंसिर १ गते ०:१०

grop

 

लन्डन । बेलायतका नेपाली तन्नेरीले हांकेको एउटा क्रियाशिल संस्था छ पर्छ 
प्रोडक्सन्स् लि. । यही संस्थाको त्रैमासिक भेन्चर अन्तर्गत पर्छ क्रियटिभ एण्ड आर्टस् ले गत १४ नोभेम्बरका दिन नेपाली फिल्म निर्माता, संगीतकार र कवि कवयित्रीहरुलाई एउटै स्थानमा जमघट गरायो । इष्ट लन्डनस्थित रग फ्याक्ट्रीमा एकत्रित थिए ति श्रष्टा र युवा दर्शक । नेपालकै झझल्को लाग्ने गरि पलेटी मारेर फिल्म हेर्न, संगीत र कविता सुन्न एकाग्र देखिन्थे दर्शक । कार्यक्रमको उद्देश्य थियो नेपाली प्रतिभाहरुको सृजनालाई अझ विस्तारमा प्रदर्शन गर्ने ।

इभेन्टमा फिल्म निर्माताहरु लक्ष थेवे वान्तवा, सिरिस गुरुङ, भिमसेन लामा, सुस्तिका लिम्बु, अस्मिता सिरिस र साम वाङ्गेल सामेल थिए अनि संगीतकारहरु सुस्मिता पाइजा पुन, श्रेया राई, जेरुसा राई र युगल गुरुङ । कवि कवयित्रीहरुमा थिए लारा राई र समिर गुरुङ ।

इभेन्टका सहसंस्थापक नवल राईले भने, ‘कार्यक्रमको उद्देश्य नेटवर्क विस्तार र सृजनाको क्षेत्रमा एकै खालको रुची र महत्वाकांक्षा भएका प्रतिभाहरुलाई एकै स्थानमा ल्याउनु हो ।’ उनले यस खालको कार्यक्रमबाट नयां पुस्ता प्रेरित हुने विश्वास समेत व्यक्त गरे ।

दुई सत्रमा विभाजित उक्त कार्यक्रमका सबै टिकट विक्री भएकाबाट पनि कार्यक्रमप्रति युवा आकर्षण बढेको प्रमाणित भएको आयोजकको विश्वास छ । कार्यक्रमका सहभागीबीच नेपाल र बेलायतको नेपाली डायष्पोराबीच विचार आदानप्रदान हुने समेत अपेक्षा गरिएको छ ।

कोहीनुर ज्वेलर्स र जुनकिरी इनिसियटिभ्स् ले कार्यक्रमलाई सहयोग गरेका थिए ।

gas

प्रतिक्रिया

सम्बन्धित सामाग्री

फेसबुक