शनिबार, असोज ३ २०७७ | Sat, September 19, 2020
नेपालको समय: १४:१८ | UK Time: 09:33

तमु समाजले खेल्यो देउसी भैलो

वीनेपाली
२०७२ कार्तिक २९ गते २३:४४

12031421_10201006657965995_6859574791184570055_o

लन्डन । तमु समाज यूकेले विगत वर्षहरुझैं यस वर्षपनि नेपालीहरुको दोस्रो महान पर्व तिहारको पावन अवसरमा देउसी भैलो खेलेको छ । समाजले गत नोभेम्बर १२ र १३ (गोवर्धन पूजा र भाइटिका) को दिन लन्डनमा सदस्य तथा शुभचिन्तकहरुको घर घरमा धुमधामसंग देउसी भैलो खेलेको हो ।

प्रवासमा नेपाली संस्कृति र परम्पराको जगेर्ना गर्दै नयां पुस्ताहरुमा संस्कृतिको सकरात्मक सन्देश प्रवाह गर्न, समाजका सदस्य तथा शुभचिन्तकहरुबीच पारस्परिक सम्बन्धलाई सवल, प्रगाढ र सुमधुर बनाउनुका साथसाथै तमु समाज यूकेको वहुउद्धेशीय समाजिक भवन खरिद परियोजनका निम्ति आर्थिक सहयोग संकलन गर्ने उद्देश्यले देउसी भैलो खेलिएको थियो । देउसी भैलो कार्यक्रमबाट पांच हजार पाउन्ड भन्दा बढि आर्थिक संकलन भएको छ ।

सबैको घर घर जान सम्भव नभएपनि सदस्य र शुभचिन्तकहरु नजिकको पायक पर्ने घरमा भेला भएर धैरैले दान प्रदान गरेका थिए । कतिपय सदस्य तथा शुभचिन्तकहरुले अनलाइन बैंकिङबाट पनि दान रकम सहयोग गरेको छ ।
समाजका उपाध्यक्ष शिवचन्द्र गुरुङको संयोजन र मुलत आमा समूहको सकृयतामा खेलिएको दैउसी भैलो २०१५ कार्यक्रम उपाध्यक्ष शिवचन्द्र गुरुङको निवासबाट गोवर्धन पूजाकादिन आरम्भ गरि भाइटिकाको दिन खेलकुद सचिव हरिमान गुरुङको निवासमा समापन गरिएको थियो ।

प्रतिक्रिया

सम्बन्धित सामाग्री

फेसबुक