लन्डन । रसमोर डाइबेटिज यूके ग्रुपको वार्षिक साधारण सभा गत शनिवार सम्पन्न भएको छ । उक्त संस्थाको साधारणसभा फानब्रोस्थित पोस्पेक्ट कम्युनिटी सेन्टरमा रसमोर बरोका उपमेयर काउन्सिलर ज्याकी भोस्पेरको प्रमुख आतिथ्यमा सम्पन्न भएको हो ।
बेलायतका एकसय ३२ वटा शाखामध्ये धेरै जसो नेपाली एवं भूपू गोर्खाहरूबाट सञ्चालित सो संस्थाले भोलेन्टियर रूपमा डाइबेटिजबाट विरामी भएका नेपाली साथै अन्य समुदायलाई उल्लेख्य सहयोग गर्दै आएको छ ।
यसैक्रममा बेलायतको एकसय ३२ ग्रुपमा यस वर्ष भोलेन्टियर रूपमा राम्रो काम गरेवापत गु्रपका महासचिव डमर गुरूड अवार्डबाट सम्मानित भए ।
नेपालीहरूका निम्ति कुनै सहयोग चाहिए सम्पर्क गर्न नवनियुक्त अध्यक्ष पूर्ण गुरुंग साथै सचिव डमर गुरुंगले आव्हान गरेका छन् । कार्यक्रममा अतिथीहरु ग्रेटर रसमोर नेपाली कम्युनिटीका अध्यक्ष ओमप्रसाद थापा, रसमोर हेल्थी लिभिंगका रामजी तिवारी लगायत स्थानीय काउन्सिलरहरूको उत्साहजनक उपस्थिति थियो ।
