बिएफबिएस् गोर्खा रेडियो फोकस्टनमा अन्तर्वार्ता दिंदै गायक लिम्बु (दायां) र तमुधिं यूके उपाध्यक्ष एवं सहारा यूके सल्लाहकार ज्ञाम गुरुङ ।
लन्डन । यतिखेर यूकेमा छन् पहिलो नेपाली तारा दीपक लिम्बु । नेपालमा अहिले हट केक बनिरहेका उनी सहारा यूकेको च्यारिटी इभेन्टका लागि बेलायत आएका हुन् । यसअघि चार पटकसम्म भिसा रिजेक्ट भएर बेलायत आउन नपाएका लिम्बु यसपटक भने सहारा यूके कार्यक्रममा सहभागी हुन पाएका छन् । सहारा यूके र अल्डरसट एफसीको प्रायोजनले लिम्बुले भिसा पाएका हुन् ।
लिम्बुले भोलि आइतबार, १५ नोभेम्बरका दिन हकिन्स् कम्युनिटी सेन्टर फोकस्टन केन्टमा सांस्कृतिक प्रस्तुति दिने छन् जुन कार्यक्रमको संयोजन तमुधिं यूके उपाध्यक्ष एवं सहारा यूके सल्लाहकार ज्ञाम गुरुङले गरेका छन् ।
लिम्बुको सहभागितामा सहारा यूकेको च्यारिटी इभेन्ट आगामी साता २१ नोभेम्बरमा पार्टी प्यालेस अल्डरसटमा हुने तयारी भइरहेको छ । उक्त कार्यक्रमको संयोजन मिन साहिला गुरुङले गर्दैछन् । सन्डे लिग र सहारा एकेडेमी पोखराको सहयोगार्थ उक्त इभेन्ट हुन लागेको हो ।
सहारा यूकेका सल्लाहकार ज्ञाम गुरुङका अनुसार, नेपाली तारा लिम्बुले २९ नोभेम्बर शनिवार अल्डरसटकै इम्पायर हाउसमा गायन प्रस्तुत गर्ने तय भएको छ ।
