प्रदर्शनले मोदी र क्यामरुन बोल्न बाध्य

लन्डन । भारतीय प्रधानमन्त्री नरेन्द्र मोदी र उनका ब्रिटिश समकक्षी डेभिड क्यामरूनले संयुक्त विज्ञप्ति जारी गरि नेपालबारे बोलेका छन् ।

लन्डनमा आज दुई देशका प्रधानमन्त्रीले जारी गरेका बक्तब्यमा भनिएको छ, ‘दुवै प्रधानमन्त्री समावेसी र दिर्घकालसम्मका लागि काम लाग्ने संवैधानिक प्रबन्धको पक्षमा जोड दिन्छन्। यस्तो प्रबन्धले बाँकी रहेका चासोहरुको सम्बोधन गर्ने छ र राजनीतिक विकास र आर्थिक सम्वृद्धि  प्रबर्धन गर्ने छ।’

सो बक्तब्यमा भूकम्प पछिको पुनर्निर्माणको विषयलाई पनि प्राथमिकता दिइएको छ । बक्तव्यमा भनिएको छ, ‘राष्ट्रिय पुनर्निर्माण प्राधिकरणले चाडैनै काम गर्न शुरू गर्ने र पुनर्निर्माणलाई अघि बढाउने दुवै प्रधानमन्त्रीको आशा छ ।’

मोदी तीन दिने बेलायत भ्रमणमा आएकै दिन गत बिहीवार नेपाली समुदायले बेलायती प्रधानमन्त्री कार्यालय अगाडि व्यापक प्रदर्शन गरेका थिए ।
यही प्रदर्शनका कारण भारतले बेलायतमा नेपालीको प्रभावबारे प्रतिवेदन तयार समेत भनेको अखवारहरुले जनाएका छन् ।

मोदी आजै शनिवार जि २० समिटमा भाग लिन अंकारा जांदैछन् ।