शुक्रबार, असोज २ २०७७ | Fri, September 18, 2020
नेपालको समय: २२:४७ | UK Time: 18:02

महासंघबाट पत्रकार खरेलको बिदाई, गुरुङलाई बधाई

वीनेपाली
२०७२ कार्तिक २३ गते ११:०६
Suman Kharel bidai

तस्वीर नरेन्द्र बस्नेत /गाेरखा रेडियाे

 

लण्डन । नेपाल पत्रकार महासंघ युके शाखाले बीबीसी नेपाली सेवाबाट अवकास लिएका पत्रकार सुमन खरेलको बिदाइ तथा एनआरएन युकेका अध्यक्ष मुच्छेत्र गुरुङको बधाई तथा शुभकामना कार्यक्रम आयोजना गरेको छ ।
शाखाका अध्यक्ष चिरन शर्माको अध्यक्षतामा आइतबार लण्डनमा भएको सो कार्यक्रममा खरेल र गुरुङलाई बेलायतका कार्यबाहक राजदुत तेजबहादुर क्षेत्रीले खादा तथा शर्माले पुष्पगुच्छा दिएर बिदाई तथा बधाई ज्ञापन गरेका थिए ।
सो अवसरमा राजदुत क्षेत्री, बीबीसी नेपाली सेवाका पूर्व प्रमुख खगेन्द्र नेपाली, पत्रकार सुमन खरेल र एनआरएन युकेका अध्यक्ष मुच्छेत्र गुरुङले बोलेका थिए ।
शाखाका वरिष्ठ उपाध्यक्ष नरेश खपाङ्गीमगरले संचालन गरेको सो कार्यक्रममा स्वागत मन्तव्य सल्लाहकार भगिरथ योगीले गरेका थिए । कार्यक्रममा एनआरएन युकेको सदस्य पदमा निर्वाचित शाखाका साधारण सदस्य नारायण पौडेल गाउँलेलाई पनि बधाई दिइएको थियो ।
सो अवसरमा गोरखा रेडियोका नरेन्द्र बस्नेत र नेपलिज ब्लड डोनर्स एसोसिएसन युकेका एभरेष्ट गौतमले पनि खरेललाई उपहार र खादा प्रदान गरेका थिए ।
बीबीसी नेपाली सेवाका सम्पादक खरेल बीबीसी नेपाली सेवाबाट स्वेच्छिक अवकास लिई बीएफबीएस गोरखा रेडियोमा आवद्ध भएका छन् । खरेलले नेपाल फर्केर रेडियोका साथै गीतसंगीत, टेलिभिजन कार्यक्रम र तालिममा समय दिने बताए ।

प्रतिक्रिया

सम्बन्धित सामाग्री

फेसबुक