पिटरबरोमा दीवाली महोत्सव

लन्डन । शनिवार पिटरबरोमा आयोजित पिटरबरो दीवाली महोत्सवमा नेपालीको पनि उत्साहजनक सहभागिता भएको छ । पिटरबरो टाउनको मुख्य चोकमा अवस्थित क्याथेड्रल स्क्वायरमा महोत्सव भएको हो । पिटरबरो नेपाली समाजसहित अन्य आठ एजियन हिन्दू कम्युनिटीको आयोजनामा महोत्सव भएको थियो ।
महोत्सवमा स साना नानीहरुले नेपाली भेषभूषासहितको आकर्षक नाच प्रस्तुत गरेर नेपाल र नेपालीको पहिचान दिएका थिए । स्नेहा, आर्सिया, रिया, सुवेधी र जस्मिनले नाच प्रस्तुत गरेका हुन् । पिटरबरो नेपाली समाजले महोत्सव सफल बनाउन सहयोग गर्ने सबैप्रति आभार व्यक्त गरेको छ ।