सोमबार, माघ ५ २०७७ | Mon, January 18, 2021
नेपालको समय: १६:५० | UK Time: 11:05

अध्यागमन नियममा परिवर्तन, वर्क परमिटबाट सेटलमेन्ट लिन न्यूनतम ३५ हजार पाउण्ड

वीनेपाली
२०७२ कार्तिक १४ गते ०:४७

ukvi logo01

लन्डन । यूके भिजा एण्ड इमिग्रेसन (यूकेभिआइ) ले अध्यागमन नियममा केही परिवर्तन गरेको छ । १९ नोभेम्बर, २०१५ बाट लागू हुने गरि नियम परिवर्तन गरिएको घोषणा सरकारले २९ अक्टोबर बिहीबार गरेको हो ।

यूकेभिआइका अनुसार असाइलम, सेटलमेन्ट, फेमिली र निजी जिवन, टियर वान, टु र टियर फाइभमा परिवर्तन भएको छ ।

सेटलमेन्टका हकमा आवासीय अधिकार (इन्डिफिनेट लिभ टु रिमेन र नेचुरलाइजेसन) आवेदनका लागि सेक्युर इंगलिस टेष्ट दिनुपर्ने र टियर टुबाट सेटलमेन्टमा जान वार्षिक ३५ हजार पाउण्ड न्यूनतम कमाइ 
देखाउनुपर्ने नियम कार्यान्वयनमा ल्याइएको छ । आम्दानीको यो थ्रेसहोल्ड आगामी ६ अप्रिल, २०१६ बाट लागू हुनेछ । यो नियमसंगै टियर टु मा भर्खर गएकालाई पछि आइएलआर लिन सहज हुने छैन् ।

नयां परिवर्तनमा विद्यार्थीलाई प्रत्यक्ष असर गर्ने खालको हालसम्म देखिएको छैन् । यसअघि चर्चा भए जस्तो विद्यार्थीले कोर्स पुरा गरेपछि स्वदेश फर्कनुपर्ने वा डिपेन्डेन्टले काम गर्न नपाउने भन्ने प्रसंग विचाराधिन भएपनि उल्लेख भइसकेको 
छैन् । त्यसैगरि, टियर टु (वर्क परमिट) आवेदन स्वदेश गएर मात्र दिन सकिने यसअघिको हल्ला पनि विचाराधिन छ ।

टियर टु अन्तर्गत नर्सहरु सहित चार डिजिटल टेक्नोलोजी जागिरलाई सर्टेज अकुपेशन लिस्टमा राखिएको छ ।

विशेष परिस्थितिबाहेक युरोपेली नागरिकले शरणार्थी (असाइलम) दावी गर्न नपाउने नियम ल्याइएको छ ।

प्रतिक्रिया

सम्बन्धित सामाग्री

फेसबुक