शुक्रबार, असोज २ २०७७ | Fri, September 18, 2020
नेपालको समय: २२:४५ | UK Time: 18:00

कलाकार आकाश बाबु खवासलाई वेलायतमा सम्मान

वीनेपाली
२०७२ कार्तिक ११ गते १५:५७
1

तस्वीर कृष्ण सुवेदी

 

लण्डन । बेलायत तथा युरोप भ्रमणमा रहेका कलाकार आकाश बाबु खवासलाई स्वागत तथा सम्मान गरिएको छ ।
दशैंको अवसर पारेर गोर्खा क्लब प्लमस्टिडमा आयोजना गरिएको दशैं विशेष कार्यक्रममा आकाशसँगै श्रीमती जमुना प्रधान र मिस यूके नेपाल २०१३ की फष्ट रनर अप सुमी श्रेष्ठलाई ईनास (अन्तर्राष्ट्रिय कलाकार संघ) यूरोपका संरक्षक मनिष कुमार श्रेष्ठले स्वागत तथा सम्मान गरेका थिए ।
टेलिचलचित्र दुई थोपा आँसुबाट अभिनय यात्रा शुरु गरेका आकाश बाबुले दर्जनौं नेपाली चलचित्रमा खलपात्र भई अभिनय गरिसकेका छन् जसमा सुरज सुब्बा नाल्बोद्वारा निर्देशित बाटो मुनिको फूल र आकाश अधिकारीद्वारा निर्देशित काठमाडौं अत्यधिक सफल चलचित्र हुन् ।
आकाशले एक साउथ इण्डियन चलचित्रमा समेत अभिनय गरेका छन् जुन यसै वर्ष रिलिज भएको छ । यूरोप भ्रमण पारिवारिक रहेता पनि नेपाली चलचित्रको सम्भावना र विकासको बारेमा बुझ्ने र ईनास यूरोपका पदाधिकारीहरुसँग भेट्ने योजना रहेको उनले बताए ।
रियल इस्टेट व्यवसायी आकाश बाबु नेपाली चलचित्रसँगै ईनास नेपाल च्याप्टर र नेपाल चलचित्र कलाकार संघमा कोषाध्यक्षका रुपमा सक्रिय छन् ।

प्रतिक्रिया

सम्बन्धित सामाग्री

फेसबुक