मोर्गेज, ट्याक्स र विलका बारेमा निशुल्क परामर्श

लण्डन । एक्सेस फाइनान्सियल सर्भिसेजले बेलायतस्थित नेपाली समुदायलाई लक्षीत गरी मोर्गेज (घरकर्जा), ट्याक्स (कर), विल (इच्छापत्र) आदिका बारेमा विज्ञबाट निशुल्क परामर्श दिनेभएको छ ।

नेपालीहरुको घना बसोबास रहेको फार्नब्रो र ह्यारो क्षेत्रमा निशुल्क सेमिनार आयोजना गरिएको छ ।
फार्नब्रोस्थित फार्नब्रो कम्युनिटी हलमा यही नोभेम्बर ८ तारिखमा दिउँसो १ बजेदेखि ४ बजेसम्म हुने सो सेमिनारमा एसएनपी प्लसका ट्याक्स कन्सल्ट्याण्ट समिररनाथ प्याकुरेलले ट्याक्सका बारेमा, ब्यालेन्स कन्सल्ट्यान्सीका सन्दीप साहले विल र स्टेट प्लानिंगका बारेमा, सेठी पार्टनरसिपका सोलिसिटर हितेस साहले कन्भेयान्सिंगका बारेमा, टीएम डेभलपमेण्ट एसोसिएटस्का एन्थनी मुण्डेले व्यापार अभिवृद्धिका बारेमा तथा फाइनान्सियल एडभाजर मिन दर्लामीले मोर्गेज र फाइनान्सका बारेमा परामर्श दिने सेमिनारका संयोजक रमेशसिंह सरांगकोटीले जानकारी दिए ।
सो सेमिनार २२ नोभेम्बरका दिन दिउँसो १ बजेदेखि चारबजेसम्म लण्डनको ह्यारो बोरो फुटबल क्लवमा पनि हुँदैछ ।
सेमिनारपछि सहभागीहरुले विज्ञसित व्यक्तिगत रुपमा सल्लाह पनि लिन सक्ने सुविधा उपलब्ध गराइएको छ । सेमिनारमा भाग लिन चाहने इच्छुक व्यक्तिहरुले फार्नबोरोका लागि १ नोभेम्बर र साउथ ह्यारोका लागि १५ नोभेम्बरभित्र नाम दर्ता गर्न आयोजकले अनुरोध गरेका छन् ।
नेपाली समुदायलाई सचेत बनाउनका लागि यस्तो सेमिनार आयोजना गरिएको एक्सेस फाइनान्सियल सर्भिसजका मीन दर्लामीले बताए ।