आइतबार, असोज ११ २०७७ | Sun, September 27, 2020
नेपालको समय: ०३:४२ | UK Time: 22:57

भूकम्पले क्षतिग्रस्त विद्यालय निर्माण सहयोगार्थ हाइवे टु धम्पुस

वीनेपाली
२०७२ असार २२ गते ०:३०

Final Poster HWTD 1-3

लन्डन । भूकम्पले क्षतिग्रस्त विद्यालय निर्माण सहयोगार्थ हाइवे टु धम्पुस नामक फिल्म प्रदर्शन हुने भएको छ । आगामी १८ जुलाई सांझ हाउन्स्लोस्थित पल रोविसन थिएटरमा फिल्म प्रदर्शन गर्न लागिएको हो ।

च्यारिटी भएर फिप्टी फिल्मस्ले मुभी निशुल्क उपलव्ध गराइदिएको छ । फिप्टी फिल्मस् र माइन्ड द ग्याप वर्ल्ड वाइडको सहकार्यमा इ सहारा नेपालले प्रदर्शन चांजोपांजो मिलाएको हो ।

टिकट अनलाइनमा http://www.hounslowartscentre.co.uk/whats-on/ वा https://www.yapsody.com/ticketing बाट पनि लिन सकिने आयोजकले बताएका छन् । फिल्म हेर्न एडभान्स् लिए टिकट मुल्य १२.९९ पाउण्ड र ढोकामा लिए १५ पाउण्ड तोकिएको छ ।

फिल्म प्रदर्शन गरेर संकलित पैसाले धादिंगको छत्रे देउराली २ मा अवस्थित नारायण निम्न मावि पुननिर्माणमा सघाउने लक्ष्य रहेको निरज श्रेष्ठले जनाए । उक्त विद्यालय निर्माणका लागि डा. पारुल श्रेष्ठले डब्लुसिएन र माइन्ड द ग्याप वर्ल्ड वाइड (च्यारिटी संस्था) को सहकार्यमा काम शुरु गरिसकेकी छन् । दुई सय वालवालिका अध्ययन गर्ने उक्त विद्यालय भूकम्पले क्षतिग्रस्त बनाइदिएको छ । आयोजकले त्यस सांझ नेपाली खाना र टिसर्ट समेत विक्री गरेर अतिरिक्त कोष अभिवृद्धि गर्ने सोच बनाएका छन् ।

एकसय एक मिनेट लामो उक्त फिल्म फिप्टी फिल्मस्ले निर्माण गरेको हो, जसका निर्माता छन् जोन डि ब्लास विलियम्स् । फिल्म धेरै अन्तर्राष्ट्रिय फिल्म महोत्सवमा छनोट भइसकेको छ । रिक म्याक फारल्याण्डको लेखन र निर्देशन रहेको उक्त फिल्ममा फिल्ममा नेपाली र गैर नेपाली कलाकारहरु रचेल हर्ड उड, गनर राइट, राजबल्लभ कोइराला, सुयसा राना, देशभक्त खनाल, सोफी म्याकसेरा, सायुस गुरुंग बज्राचार्य आदिको अभिनय छ ।

यस्तो छ फिल्मको ट्रेलर

 

प्रतिक्रिया

सम्बन्धित सामाग्री

फेसबुक