बिहीबार, साउन २१ २०७८ | Thu, August 05, 2021
नेपालको समय: ०४:५९ | UK Time: 00:14

तनहुँ समाज युकेद्वारा कमला थापाको उपचारमा सहयोग

वीनेपाली
२०७८ असार ९ गते १४:५२

लण्डन । तनहुँ समाज युकेले पोलियो रोगका कारण कम्मरमुनीको शरीर नचल्ने समस्याबाट पीडित तनहुँ रिसिङ गाउँपालिका १ झापुटारकी कमला थापाको उपचारमा सहयोग गरेको छ ।

समाजका अध्यक्ष लेख गुरुङका अनुसार उनको बारेमा स्थानीय गाउँपालिकाले सहयोगका लागि तनहुँ समाज युकेलाई अनुरोध गरेकोमा युकेमा रहेका सदस्यहरुबाट सहयोग संकलन गरी ५ लाख ५५ हजार ८३० रुपियाँ सहयोग गरिएको छ ।

सो रकम समाजकी पूर्व उपाध्यक्ष अनिता रानाले थापाकै निवासमा गई हस्तान्तरण गरेकी थिइन् ।

२४ वर्षीया थापा विगत एक वर्षदेखि उपचारका लागि काठमाडौँमा बस्दै आएकी छिन् । उनलाई उनकी बहिनीले हेरचाह गरिरहेकी छिन् । सुरिलो श्वर भएकी कमला कम्प्युटर र संगीत सिक्न चाहन्छिन् । तर शारीरिक अपाङ्गताका कारण दिसापिसाव गर्न जान, हिँडडूल गर्न उनलाई समस्या छ ।

उनलाई बेलायतमा बसोबासरत निङ्वा पन्धाक लिम्बुले गत वर्ष ह्वील चेयर, पिसाब संकलन हुने झोला र ६० हजार नगद गरेका थिए ।

समाजले कमलालाई सहयोग संकलनमा सहयोग गर्नुहुने सबैलाई धन्यवाद दिएको छ ।

प्रतिक्रिया

सम्बन्धित सामाग्री

फेसबुक