मंगलबार, माघ ६ २०७७ | Tue, January 19, 2021
नेपालको समय: ०२:१५ | UK Time: 20:30

कुन कुन देशले लगाए बेलायतमा यात्रा गर्न प्रतिबन्ध ?

वीनेपाली
२०७७ पुष ७ गते ९:३३

लण्डन । बेलायतमा नयाँ प्रकारको भाइरस भेटिएपछि विश्वका ४० भन्दा बढी मुलुकहरुले बेलायत यात्रामा प्रतिबन्ध लगाएका छन्।

क्रिसमस र नयाँ वर्षको पूर्वसन्ध्यामा लगाइएको यस्तो प्रतिबन्धका कारण बेलायतबाट आफ्नो घर जान चाहने र अन्यत्रबाट बेलायत आउन चाहने दुवै थरी यात्रुलाई मर्का परेको छ ।

नयाँ खालको भाइरस अति चाँडो सर्ने किसिमको भएको भन्ने प्रारम्भिक जानकारीका आधारमा विश्वका सबै महादेशका विभिन्न देशहरुले सो प्रतिबन्ध लगाएका हुन् । यसका साथै बेलायतबाट युरोप छिर्ने नाका डोभरमा फ्रान्सले आइतबार रातिदेखि प्रतिबन्ध लगाएपछि बेलायतमा अत्यावश्यकीय वस्तुहरुको अभाव पो हुने हो कि भन्ने भय उत्पन्न भएको छ । त्यसलाई चिर्न प्रधानमन्त्री बोरिस जोन्सनले सोमबार डोभर नाकाबाट युरोप हुँदै आउने सामानहरुमध्ये २० प्रतिशत मात्र आउने र बाँकी ८० प्रतिशत अन्य मार्गबाट आउने भएकाले चिन्ता नलिन जनतालाई आश्वस्त पारेका छन् ।

तर फ्रान्ससित नाका खुलाउने बारे वार्ता चलिरहे पनि अझै सहमतिमा पुगिनसकेको गृह मन्त्री प्रीति पटेलले मंगलबार बिहान बताएकी छिन् ।

कुन कुन देशले लगाए यात्रा प्रतिबन्ध ? 

फ्रान्स

बेल्जियम

जर्मनी : डिसेम्बर ३१ सम्म

आयरल्याण्ड

नेदरल्याण्डस : नयाँ वर्षसम्म

स्पेन : अनिश्चितकालसम्म

स्वीटजरल्याण्ड

इटली : ६ जनवरीसम्म

रसिया : एकसाता सम्म

अष्ट्रिया : नयाँ वर्षसम्म

डेनमार्क : बुधबारसम्म

स्वीडेन : अर्को सूचना जारी नभएसम्म

नर्वे

क्रोएसिया

बुल्गेरिया : ३१ जनवरीसम्म

माल्टा

फिनल्याण्ड : दुई साताका लागि

पोल्याण्ड

पोर्चुगल

हंगेरी

चेक रिपब्लिक

स्लोभाकिया

नर्थ मेसेडोनिया

इजरायल : १० दिनका लागि

ओमान : एक साताका लागि

साउदी अरेबिया : १ साताका लागि

इरान : दुई साताका लागि

टर्की

जोर्डन : ३ जनवरीसम्म

सुडान : ५ जनवरीसम्म

ट्यूनिसिया

क्यानाडा

पेरु : दुई साताका लागि

इल साल्भाडोर

चिली : दुई साताका लागि

अर्जेन्टिना

जमैका : ४ जनवरीसम्म

ग्रेनाडा

हङकङ

पाकिस्तान : २९ डिसेम्बरसम्म

भारत : ३१ डिसेम्बरसम्म

प्रतिक्रिया

सम्बन्धित सामाग्री

फेसबुक