द ब्रिटिस कलेजको पार्टनर विश्वविद्यालय शीर्ष २० मा

काठमाडौँ । काठमाडौँमा रहेको द ब्रिटिस कलेजको पार्टनर विश्वविद्यालय वेस्ट अफ इंग्ल्याण्ड युकेमा रहेका विश्वविद्यालयमध्ये शीर्ष २० मा पर्न सफल भएको छ ।
युकेमा १०० भन्दा बढी विश्वविद्यालयहरु रहेका छन् ।
पछिल्लो सर्भेका अनुसार युडब्लुई रोजगारी पाउने विश्वविद्यालयको शीर्ष २० औँ स्थानमा रहेको छ । यो सर्भे उच्च शिक्षा तथ्यांक एजेन्सीले सार्वजनिक गरेको हो । हिसाले प्रत्येक वर्ष विश्वविद्यालयहरुबारे सर्भे गर्दै आइरहेको छ । सर्भेका अनुसार यो विश्वविद्यालयबाट उत्तीर्ण भएको १४ महिनाभित्र ९२ प्रतिशत विद्यार्थीहरुले रोजगारी पाउँदै आइरहेका छन् । यो वार्षिक सामाजिक सर्भेले यो पुष्टि गरेको छ कि साउथ वेस्टमा युडब्लुईमा अध्ययनरत विद्यार्थीहरुले ग्राजयुटपछि रोजगारीको अवसर पाउनेमा यो विश्वविद्यालय शीर्ष स्थानमा रहेको छ । युकेमा यो विश्वविद्यालय १८ औँ स्थानमा रहेको छ ।
द ब्रिटिस कलेजबाट बीबीए र एमआइबिएम ग्राजुयटले युनिभर्सिटी अफ द वेस्ट अफ इंग्ल्याण्डको डिग्री प्राप्त गर्छन् । युडब्लुईका भाइस चान्सलर प्रोफेसर स्टीभ वेस्ट भन्छन्, “ग्राजयुटका लागि रोजगारी प्राप्तिका लागि र सकारात्मक भिजनका लागि युनिभर्सिटी एलायन्स शीर्ष स्थानमा रहेको छ ।”
पछिल्लो समय अन्तर्राष्ट्रिय स्तरमा रोजगारीका लागि ठूलो प्रतिस्पर्धा रहेको छ । यसैलाई मध्यनजर गर्दै द ब्रिटिस कलेजले गुणस्तरीय शिक्षा प्रदान गर्दै आइरहेको छ । विद्यार्थीहरुलाई आवश्यक पर्ने गुणस्तीय शिक्षा, लगायत अन्य महत्वपूर्ण कुराहरु कलेजले प्रदान गर्दै आइरहेको छ ।
युडब्लुईसँग द ब्रिटिश कलेजले आठ वर्षदेखि पार्टनरसीय गर्दै आएको छ ।
द ब्रिटिस कलेजका अन्तरिम प्रिन्सिपल मेरी विसोपले भनेकी छन्, “युकेमा युडब्लुईको यो सफलताको खबरले हामीलाई खुसी बनाएको छ । गुणस्तरीय शिक्षा प्रदान गरेकोमा स्वर्ण पदकद्वारा सम्मान पाइसकेको यो विश्वविद्यालयले अर्को उत्कृष्ट सफलता पाउन सफल भएको छ । युडब्लुईले विद्यार्थीको अनुभव र रोजगारीका लागि उत्कृष्ट काम गरेको यसले पुष्टि गर्छ । विश्वविद्यालयले प्राप्त गरेको यो सफलताप्रति मेरो शुभकामना ।”