शनिबार, असोज ३ २०७७ | Sat, September 19, 2020
नेपालको समय: ०५:१६ | UK Time: 00:31

ग्रेटर रसमोर नेपाली कम्युनिटीले ९ जुनमा भिक्टोरिया डे मनाउने

वीनेपाली
२०७५ वैशाख ३० गते १:०९

लन्डन । ग्रेटर रसमोर नेपाली कम्युनिटीले आगामी ९ जुनमा ‘भिक्टोरिया डे’ मनाउने भएको छ । कम्युनिटीको त्रैमासिक बैठकले उक्त डे भव्यताका साथ मनाउने निर्णय गरेको हो । उक्त समारोहमा रसमोर र सेरोफेरोमा रहेका नेपाली संघसंस्थाहरुलाई सहभागिताका लागि आव्हान गर्ने निर्णय भएको छ ।

संस्थाका अध्यक्ष जीव बेल्बासेको अध्यक्षता तथा महासचिव मान गुरुङद्वारा संचालित बैठक रसमोर बोरो काउन्सिलको च्याम्बरमा सम्पन्न भएको थियो । बैठकमा भर्खरै सम्पन्न नेपाली नयां वर्ष कार्यक्रम र भेट्रान फण्डबारे संयोजक एवं वरिष्ठ उपाध्यक्ष राम धन राईले र  नेपाली कक्षा सञ्चालन विषयमा उपाध्यक्ष रन्जिता मल्लले प्रस्तुति दिएका थिए ।

त्यसैगरी इन्फरमेसन डे, लागू औषध एवं मादक पदार्थ दुरव्यसनबारे उपाध्यक्ष नेम थापा, रशमोर बरो काउन्सिल र ग्रेटर रसमोर नेपाली कम्युनिटीको साझेदारीमा गरिने रसमोर फुड फेस्टिवल, भिक्टोरिया डे सेलिब्रेसन, रसमोर 
बरो काउन्सिल, ब्ल्याक वाटर भ्याली रन अनि ग्रेटर रसमोर नेपाली कम्युनिटीको साझेदारीमा गरिने १० किलोमिटर दौड र फन रन विषयमा अध्यक्ष जीव बेलबासेले प्रष्ट्याएका थिए । कोषाध्यक्ष टोप पल्लीले नयां वर्षको छुट्टै र समस्त आय व्यय विवरण बैठकसमक्ष प्रस्तुत गरे ।

बैठकले भिक्टोरिया डे सेलिब्रेसन र इन्फरमेसन डे उपाध्यक्ष नेम थापा, नेपाली कक्षा उपाध्यक्ष रन्जिता मल्ल, रशमोर फुड फेस्टिवल सदस्य दिल नेपाली र वार्षिक साधारण सभा गर्न महासचिव मान गुरुङलाई संयोजक तोकेको छ भने सल्लाहकार क्याप्टेन हरि थापालाई रसमोर फुड फेस्टिवलको सह-संयोजक साथै भिक्टोरिया डे सेलिब्रेसन सह-संयोजकमा सदस्य चन्द्र राइलाई तोकेको छ ।

बैठकमा अध्यक्ष बेलबासेले ८७ वर्षीय जेष्ठ नागरिक पूर्ण गुरुङ र क्याप्टेन हरि थापालाई संस्थाको आजीवन सदस्यताको प्रमाणपत्र प्रदान गरेका थिए भने महिला विभागकी नयां सदस्य याम कुमारी भण्डारीलाई खादा ओढाई स्वागत गरे ।

छलफलको क्रममा सल्लाहकार क्याप्टेन हरि थापा, क्याप्टेन बीर थापा, क्याप्टेन विष्णु श्रेष्ठ, क्याप्टेन केशर राना, माया केसी, महिला संयोजक लिला मावो, सदस्य दिल नेपाली, चन्द्र राई लगायतले विभिन्न विषयमा आ आफ्नो जिज्ञासा र सुझाव राखेका थिए भने महासचिव मान गुरुङले प्राप्त सुझाव पूर्णतया कार्यान्वयन गरिने वचनवद्धता व्यक्त गरेका छन् ।

प्रतिक्रिया

सम्बन्धित सामाग्री

फेसबुक