पद नयां, एजेण्डा र उम्मेदवार पुरानै

 

लन्डन । एनआरएनए यूकेको निर्वाचन आउन अब डेढ हप्ता बांकी रहंदा चुनावी माहोल उत्सर्गमा छ । विभिन्न पदका ५३ जना उम्मेदवार कसैले पनि उम्मेदवारी फिर्ता नलिएपछि अब चुनावमै होमिएको छ एनआरएनए यूके ।

आगामी नेतृत्व सम्हाल्ने अध्यक्ष कस्तो आउला भन्ने चासो पनि जनमानसमा छ । तर, एनआरएनए यूकेमा नेतृत्व गर्न तयार नेताहरुले नयां भिजन भन्दा पनि पुराना एजेण्डालाई नै अघि सारेका छन् । सम्भवतः कसैले बनाइदिएको पुरानै एजेण्डा बोकेर मत माग्न उम्मेदवारहरुको घरदैलो तीव्र छ ।

एनआरएनए यूकेको अध्यक्षका लागि कृष्ण तिमल्सेना, योगकुमार फगामी र हिराधन राई मैदानमा छन् । केन्द्रतिर बढि झुकाव राखेका तिमल्सेनाको एजेण्डा यसअघि खासै देखिएन किनकि उनी सहमतिमै अन्तर्राष्ट्रिय समन्वय परिषदमा पुगे । बिना एजेण्डै सहमतिमा केन्द्र पुग्ने निश्चित भएपछि उनलाई जनतासमक्ष प्रतिवद्धताको आश्वासन जरुरी परेन ।

तर, एनआरएनए यूकेका उपाध्यक्ष रहिसकेका योगकुमार फगामी र हिराधन राईका गत कार्यकालका प्रतिवद्धता र अहिले अध्यक्ष दावी गरेपछि सार्वजनिक गरिएका एजेण्डामा खासै भिन्नता छैन् । गोर्खालीका मुद्दा, वृद्धवृद्धालाई सहयोग, बेलायतको सीप र ज्ञान मातृभूमिमा स्थानान्तरण र एनआरएनए यूकेको सदस्यता लिंदा हुने फाइदाबारे बढि केन्द्रित भएर अन्तरवार्ता दिएका राईको वर्तमान एजेण्डा पनि त्यही छ । कार्यान्वयन पक्ष शुन्य प्राय देखिएका ति एजेण्डा कागजमै सीमित रहे र अहिले फेरि त्यही प्रतिवद्धताको आश्वासन बांडिदैछ । मतदाताहरुको जिज्ञासा र आशंका छ, ‘एजेण्डा समेत परिवर्तन गर्न असक्षमबाट नयां आशा के गर्ने ?’ गोर्खा भएकै कारण राईले आफ्नो चुनावी मुद्दामा गोर्खा समस्या समाधान गर्ने वाचा गरेपनि कार्यान्वयन भने उनको कार्यकालमा देखिएन ।

अध्यक्षका तीन आकांक्षी

यू-ट्यूवमा राखिएका अन्तर्वार्ता हेर्दा पहिलेको बोली र अहिले कत्ति भिन्नता देखिन्न । एनआरएनए यूकेप्रति जनताले देखाएको विकषर्णलाई आकषर्णमा बदल्ने र जनताको साझा एनआरएनए यूके बनाउने दुबैको विगतको चुनावी एजेण्डा ‘गफ’ मै सीमित देखियो । पूर्व अध्यक्षद्धय योगेन क्षेत्री र महेन्द्र कंडेलबीचको विवादमा क्षेत्री पक्षीय समूहमा खुल्ला रुपमा उत्रिएर एनआरएनए यूकेलाई ‘तथानाम’ गाली गर्ने उपाध्यक्ष योगकुमार फगामी अहिले अध्यक्षको प्रत्यासी छन् । उनले विगतमा एनआरएनए यूकेलाई कस्ता शव्दले निन्दा र गाली गरेका थिए त्यो बेलायतवासी नेपालीको मस्तिष्कमा ताजै छ । उनले त्यतिबेला ‘एनआरएनए यूके चाहिंदैन्’ भनेर तल्लो स्तरमा ओर्लिएर संस्था र अग्रजहरुलाई गाली गरेको स्मरण गर्दा जिब्रो नटोक्ने कमै छन् । कि आरोप पुष्टी गर्न सक्ने हैसियत राख्नुपर्छ कि आवेशमा आरोप लगाएको हो भने स्वयं आत्मालोचना गर्न सक्नुपर्छ । तर, फगामीले न त आरोप प्रमाणित गर्न सके न आत्मआलोचना नै ।

अमेरिका र युरोपमा एनआरएनए सदस्यता शुल्कको तुलनामा यूकेमा महंगो २५ पाउण्ड राख्दा उपाध्यक्ष फगामी र राईले घटाउन कुनै भूमिका निर्वाह समेत गरेनन् । उल्टो बेलायतका नेपालीलाई ढाड सेक्नेगरी बढाइएको शुल्कमा सहमति जनाए । जातिय संस्थाको बलमा माथि आएपनि जातिय, क्षेत्रिय एजेण्डा छाडेर सबै नेपालीको एनआरएनए बनाउने प्रतिवद्धताप्रति उनी कहिल्यै अघि बढेनन् । जातीय संस्थाकै भोट बैंक देखाएर मैदानमा आउनु फगामीका लागि प्रतिवद्धता विपरित छन् ।

प्रतिक्रिया

सम्बन्धित सामाग्री