शनिबार, असोज ३ २०७७ | Sat, September 19, 2020
नेपालको समय: ००:५९ | UK Time: 20:14

एमाले कावा अध्यक्षमा वामदेव

वीनेपाली
२०७२ फागुन ८ गते ८:१७

Bamdev_Gautam

काठमाडौँ, ८ फागुन । नेकपा(एमाले)का अध्यक्ष केपी शर्मा ओलीले पार्टीको कार्यवाहक अध्यक्षमा उपाध्यक्ष वामदेव गौतमलाई तोक्नुभएको छ ।
शुक्रबार भारतको राजकीय भ्रमणमा जानुअघि त्रिवि विमानस्थलमै उहाँले सोसम्बन्धी पत्र गौतमलाई दिनुभएको पार्टी कार्यालय सचिव कृष्णगोपाल श्रेष्ठले जानकारी दिनुभयो । कावा अध्यक्षले शुक्रबारदेखि नै आफ्नो कार्यभार सम्हालिसक्नुभएको छ ।
पार्टीको स्थायी कमिटी बैठक पनि छिट्टै बस्ने जनाइएको छ । बैठकमा समसामयिक राजनीति, पार्टी सङ्गठन, नवौँ अधिवेशनपछि विभिन्न विभागहरुलाई पूर्णता दिई व्यवस्थित गर्ने लगायतको कार्यसूची रहने एमाले केन्द्रीय सदस्य श्रेष्ठले जानकारी दिनुभयो ।

‘नेपालको संविधान’ जारी भएपछि यसप्रति रहेका भ्रम र अन्योल चिर्न पार्टीले गत पुसदेखि यही फागुनसम्म सञ्चालन गरेको अभियानको पनि समीक्षा गरिनाका साथै पार्टीको आयोजनामा देशका पूर्वदेखि पश्चिमसम्म ठुल्ठुला सभा गरिने विषयमा निर्णय लिइने बताइएको छ ।
अनेरास्ववियु मतगणना जारी
अनेरास्ववियुको २२औँ अधिवेशनका क्रममा नेतृत्वका लागि भएको निर्वाचनको मतगणना जारी छ । अपराह्न्न १३ः३० बजेसम्म मेची, कोसी, सगरमाथा माथिल्लो र तल्लो क्षेत्रसम्मको मतगणना हुँदा अध्यक्षका उम्मेदवार नवीना लामाले २४९ र दीपक गौतमले १८६ मत प्राप्त गर्नुभएको छ ।

प्रतिक्रिया

सम्बन्धित सामाग्री

फेसबुक