लन्डन । एउटा घडीको मुल्य कति पर्ला ? १०, २०, ५० हजार रुपैयां ? यस्तो अनुमान गलत हुने गरि बेलायतमा एउटा घडी ४३ लाख रुपैयांमा विक्री भएको छ । घडी चाहिं सन् १९५३ मा सर्वोच्च शिखर सगरमाथा चुम्ने पहिलो व्यक्ति सर एडमन्ड हिलारीले त्यति बेलै लगाएको हो । त्यतिबेला नेपालका तेन्जिङ नोर्गे र न्यूजिल्याण्डका हिलारीले सगरमाथाको सफल आरोहण गरेका थिए ।
सर जोनले नेतृत्व गरेको उक्त सगरमाथा आरोहण दलमा १५ जना आधिकारीक सदस्य र ३६० जना नेपाली भरिया सामेल थिए ।
बेलायतको सफोकस्थित मार्टलस्याम अक्सनर्स लक्डेल्स्को लिलाम बढाबढ कार्यक्रममा जर्मनीका एक नागरिकले एभरेष्ट रोलेक्स् घडीलाई २७ हजार एकसय ४० पाउण्ड रकम कवोल गरेका हुन् ।
शुरुमा ५ हजार पाउण्डबाट लिलाम बढाबढ शुरु भएको उक्त घडी किन्न बोल कवोलमा ११ जनाले प्रतिष्पर्धा गरेका थिए ।
अक्सन म्यानेजर जेम्स् स्याडलरका भनाइमा अत्यन्त दूर्लभ उक्त घडी त्यति बेला हाइ अल्टिच्यूडको लागि डिजाइन गरिएको थियो । उनले विगतमा यस्तो प्रकारको घडी लिलाम बढाबढमा १७ हजार पाउण्डसम्म कवोल हुने गरेको भएपनि हिलारीको रोलेक्स घडीलाई त्यति उच्च मुल्य तिरिएको जनाए ।
