मंगलबार, असोज ६ २०७७ | Tue, September 22, 2020
नेपालको समय: २०:०० | UK Time: 15:15

जापानले भूकम्पबाट क्षतिग्रस्त संरचना पुनःस्थापनाका लागि रु तीन अर्ब दिने

वीनेपाली
२०७२ फागुन ५ गते १०:४२

1280px-Flag_of_Japan

काठमाडाँै, ५ फागुन । जापान सरकारले भूकम्पबाट क्षतिग्रत भौतिक संरचनाको पुनःस्थापनाका लागि रु तीन अर्ब ४४ करोड ८० लाख अनुदान उपलब्ध गराउने भएको छ ।

परोपकार प्रसूतिगृह र वीरअस्पतालको पुनर्निर्माण, सिन्धुपाल्चोकको चौतारास्थित खानेपानी आपूर्ति प्रणालीको पुनर्निर्माण र गोरखाको बारपाक बाह्रकिलोस्थित पुलको निर्माणका लागि जापान सरकारले उक्त अनुदान प्रदान गरेको हो ।

अनुदान सहयोगसम्बन्धी सम्झौतामा अर्थमन्त्रालयमा आज आयोजित एक कार्यक्रममा उक्त मन्त्रालयका सहसचिव वैकुण्ठ अर्याल र जापानी सहयोग नियोग (जाइका) का प्रमुख प्रतिनिधि चुतोमु सिमीजुले हस्ताक्षर गर्नुभयो । त्यस अवसरमा जाइकाका प्रमुख सिमीजुले पुनर्निर्माणका काम द्रुत गतिमा कार्यान्वयन गर्न जापानी सहयोग फलदायी हुने विश्वास व्यक्त गर्नुभयो ।

सहसचिव अर्यालले नेपालको सामाजिक एवम् आर्थिक विकासमा जापान सरकारबाट निरन्तर प्राप्त सहायताप्रति आभार व्यक्त गर्नुभयो ।

प्रतिक्रिया

सम्बन्धित सामाग्री

फेसबुक