च्यारिटी गरेर धरान समाज यूकेको प्रणय दिवस

12715851_1560131097640938_3560275046054681940_o

लन्डन । धरान समाज यूकेले च्यारिटी गर्दै प्रणय दिवस मनाएको छ । 
१४ फेब्रुअरी पर्ने प्रणय दिवस धरानमा आकाशेपुल निर्माण सहयोगार्थ समर्पित गरिएको हो । सांझ साउथ ह्यारोस्थित ह्यारो बरो फुटबल क्लवमा भएको भ्यालेन्टाइन पार्टीमा रोमान्टिक मुडमा भेला भएका जोडीले आफ्नो माया र आत्मीयता साटे, नृत्य प्रस्तुत गरे अनि रेडकार्पेटमा तस्विर पनि खिचाए । एकल आएका सहभागी पनि त्यहांको रोमाञ्चक वातावरणमा नरमाउने कुरै थिएन ।

12716031_1560127234307991_4175980713476095424_o
यती नेपाली एसोसिएसन यूकेका महासचिव शशीधर नेपाल दम्पत्तिले कार्यक्रम उद्घाटन गरेका थिए ।

कार्यक्रममा स्वागत मन्तव्य दिंदै धरान समाज यूकेका अध्यक्ष उमेशराज मोक्तानले प्रणय दिवसलाई सामाजिक सेवामा समर्पित गरिएको जनाए । मिरा गुरुङ रानाको संयोजकत्वमा आयोजित उक्त कार्यक्रम शशी थापा सुब्बाले सञ्चालन गरेकी थिइन् ।

कार्यक्रममा उत्कृष्ट नाच गर्ने जोडी र मास्क लगाउनेलाई पुरस्कृत गरियो जसमा उत्कृष्ट नाच्ने जोडी थिए वसुन्धरा याक्खा र खगेन्द्र याक्खा । मास्कमा दिपा उप्रेती र शरद उप्रेती, रमेश लिम्बु र तारा लिम्बु एवं ललित दुतराज र गंगा दुतराज पनि विजयी भए । उत्कृष्ट नाच गर्ने जोडी छान्न नेपालबाट आएका चलचित्रका नृत्य निर्देशक गोविन्द राई, समाजका महासचिव किरण सुब्बा र शशी थापा सुब्बा निर्णायक थिए ।

उक्त अवसरमा नेपाली चलचित्रका लोकप्रिय नृत्य निर्देशक गोविन्द राई, बलिउड नृत्यकी कोरियोग्राफर एलिसा शर्मा, जेनिसा मगर लगायतको आकर्षक नृत्य पनि दर्शकले रुचाए । प्रेम कविता पनि वाचन भएको थियो ।

कार्यक्रममा राफल चिट्ठा पनि खेलाइएको थियो भने हंग्री यतीले खाना प्रवन्ध गरेको थियो ।

तस्विरहरु सौजन्यः शिव भण्डारी

12747494_1560127027641345_4831512621489441875_o

प्रतिक्रिया

सम्बन्धित सामाग्री