यूकेमा गल्कोटेहरु संगठित

लन्डन । बाग्लुङको गल्कोटबाट बेलायत आएर बसोवास गरेका गल्कोटेहरु संगठित भएका छन् । गत फेब्रुअरी १० तारिख बुधबार म्यानचेस्टरमा आयोजित गल्कोटे अगुवाहरुको एक भेलाले गल्कोट समाज यूके तदर्थ समिति गठन गरेको छ ।

रेसमबहादुर बुढाथोकीको संयोजकत्वमा गठित उक्त तदर्थ समितिको उपसंयोजकमा गंगा गौतम, राजु कंडेल, प्रेम गैरे, विष्णु चालिसे, सचिवमा पुष्प दत्त उप्रेती, सह सचिवमा कृष्ण खरेल, कोषाध्यक्षमा धन बहादुर बुढाथोकी र सहकोषाध्यक्षमा भरत खत्री चयन भएका छन् ।

त्यसैगरी सदस्यहरूमा दलबहादुर बुढाथोकी, धनबहादुर क्षेत्री, भोजराज कंडेल, देवी साहनी, कुमार घर्ती, भोजन शेरचन, गोविन्द कंडेल, शशी चालिसे, खिमलाल गैरे र तोरण मल्ल छन् ।

सोही भेलाले एनआरएनए यूकेका निवर्तमान अध्यक्ष महेन्द्र कंडेल र पुवाखोला हाइड्रोपावर १ इलामका प्रवन्ध निर्देशक कदम केसीलाई सल्लाहकारमा नियुक्त गरेको छ ।

भेलाले यूकेमा बसोबास गर्ने गल्कोटेहरुको विवरण संकलन गरि आउंदो अगस्ट महिनाभित्र प्रथम अधिवेशन गरि गल्कोट समाज यूकेको वैधानिक कार्यसमितिलाई कार्यभार हस्तान्तरण गर्ने निर्णय गरेको छ ।

नवगठित समितिका संयोजक बुढाथोकीले उक्त जिम्मेवारी पूरा गर्न आफ्नो मातहतको समिति सक्षम भएको र कुनै पनि हालतमा जिम्मेवारी पूरा गरेरै छोड्ने 
प्रतिवद्धता व्यक्त गरे ।