लन्डन । तमुधिं यूकेबाट अलग्गिएर तमु समाज बेलायत गठन गरेका लन्डनका तमुहरुले ल्होछार पनि बेग्लै मनाउने भएका छन् । तमुधिं यूकेले २ जनवरीमा रेडिंगस्थित रिभर मेड लिजर सेन्टरमा ल्होछार गर्ने तय गरेकै दिन तमु समाज बेलायतले पनि लन्डनस्थित ह्यारो लिजर सेन्टरमा ल्होछार मनाउने भएको हो ।
धार्मिक पूजा, नृत्य, गायन, आजीवन सदस्यहरुको सम्मान र डिनरसहित तमु समाजले ल्होछार मनाउने तयारी गरेको छ ।
सन् २००७ मा स्थापित तमुधिं लन्डन इकाइकै पदाधिकारी संलग्न भएर सन् २०१२ मा तमु समाज बेलायत भएको थियो । अहिले तमु समाज बेलायत युके च्यारिटीमा दर्ता छ । समाजको लन्डनमा बेग्लै प्रभाव छ अहिले ।
सामाजिक काम गर्न यूके च्यारिटी कमिसनमा दर्ता भएपछि तमु समाज बेलायत बनाइएको संस्थापक अध्यक्ष चित्रबहादुर गुरुंगले जनाए ।
