१३ तस्बिरमा हेर्नुहोस्, बेलायतमा आयोजित २४ औं गोर्खा कप

लन्डन । तमु धीं यूकेको आयोजनामा आइतबार बेलायतमा गोर्खा कप फुटबल प्रतियोगिता भएको छ । प्रतियोगिता अल्डरसटस्थित क्वीन्स एभिन्यू खेल मैदानमा बिहान ९ बजेपछि सुरु भएको हो । तमु धीं यूकेका अनुसार प्रतियोगितामा ५६ टिम प्रतिस्पर्धामा छन् ।

गोर्खा कप संयोजक एवं स्पोर्टस् सेक्रेटरी क्या. दीपक घलेले मेन ३८, भेट्रान १६ र महिला २ टिमले प्रतिस्पर्धामा रहेको जानकारी दिनुभएको छ । महिला विधामा तामाङ समाज यूकेको टीम च्याम्पियन बनेको छ । तामाङ समाजले रन्डर बोल्टस्लाई पराजित गरेको हो ।

विजेतालाई ३ हजार ५ सय पाउन्ड, ट्रफी र सर्टिफिकेट, रनर अपले २ हजार पाउन्ड पुरस्कार पाउनेछन् । यस्तै भेट्रान विजेताले १ हजार ८ सय पाउन्ड साथै महिला टिम विजेता ६ सय पाउन्ड र रनरअपले ४ सय पाउन्ड पुरस्कार पाउने छन् । गोर्खा कप स्थलमा खाना, च्यारिटी, लत्ताकपडालगायत १२६ स्टल रहेका छन् । गोर्खा कप हेर्न बेलायतका विभिन्न क्षेत्रबाट नेपाली र गैर नेपाली जम्मा भएका छन् ।